Plantun de Prouvènço

Pèr coumpara dos planto d'encò nostre

Dianthus seguieri & Vicia narbonensis subsp. serratifolia

Dianthus seguieri

Caryophyllaceae

Nom en français : Oeillet de Séguier.

Descripcioun :
Aquesto giróuflado trachis en mountagno mejano, dins li bos clar, li roucaio e tepiero seco. Fai d'enflourejado de 2 à 5 flour. Li fueio soun plano e la tijo sènso péu. Li sepalo soudado fan un "calice" à dènt pounchudo. Li bratèio soun nourmalamen longo (> 3/4 dóu tube). Se recounèis subretout à si flour d'un poulit rose emé souvènt lou deforo de la gorjo pourpre. La subsp. de Prouvènço, ié dison seguieri.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 45 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Dianthus
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 1,5 à 2 cm
Flourido : Estiéu

Sòu : Ca
Autour basso e auto : 800 à 1800 m
Aparado : Noun
Juliet à setèmbre

Liò : Bos clar - Tepiero seco - Roucaio
Estànci : Coulinen à Subaupen
Couroulougi : Ouroufito-Éuropenco
Ref. sc. : Dianthus seguieri Vill., 1779

Favo-fèro

Vicia narbonensis subsp. serratifolia

Fabaceae Leguminosae

Noms en français : Vesce de Narbonne, Vesce à feuilles dentées.

Descripcioun :
La favo-fèro douno d'èr à la favo emé si gros fueioun groupa pèr quatre o sièis (encò la subsp. serratifolia. Lis estipulo e li flour de 2 à 3 cm soun grando peréu. Trachis en ribo de champ. La subsp. serratifolia se recounèis à si fueioun denta (au contro de la subsp. johannis) e à si flour touto vióuleto. Coumpara emé la subsp. johannis.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 20 à 50 (70) cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 600 m
Aparado : Noun

Liò : Champ - Camin
Estànci : Termoumediterran à Subremediterran
Couroulougi : Pancaro entresigna
Ref. sc. : Vicia narbonensis subsp. serratifolia (Jacq.) Ces., 1883

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Dianthus seguieri & Vicia narbonensis subsp. serratifolia

ges

Coumpara Giróuflado(-de-Séguier) emé uno autro planto

Coumpara Favo-fèro emé uno autro planto